تصادم کاخدشہ، نیب نے مریم نواز کی پیشی ملتوی کردی

قومی احتساب بیورو (نیب) نے مسلم لیگ ن کی نائب صدر مریم نواز کی لاہور کی احتساب عدالت میں پیشی ملتوی کر دی۔
نیب کی جانب سے جاری اعلامیے میں کہا گیا ہے کہ آج ایک اعلیٰ سطحی اجلاس منعقد ہوا جس میں مریم نواز کی عدالت میں احتساب عدالت میں پیشی اور کورونا وبا کی تیسری لہر کے حوالے سے جاری ہدایات کا جائزہ لیا گیا۔
پریس ریلیز میں کہا گیا ہے نیب نے مریم نواز کو پہلے بھی طلب کیا تھا اور اس موقع پر نیب لاہور کی عدالت میں دانستہ طور پر پتھراؤ کیا گیا تھا جو کہ نیب کی تفتیش میں رکاوٹ ڈالنے کے مترادف ہے۔
نیب نے مسلم لیگ ن کی نائب صدر مریم نواز کو 26 مارچ کو عدالت طلب کر رکھا تھا اور اس حوالے سے وزیراعظم عمران خان کا کہنا تھا کہ مریم کی عدالت پیشی کے موقع پر کسی کو بھی قانون ہاتھ میں لینے کی اجازت نہیں دی جائے گی۔

اپنا تبصرہ بھیجیں