عمران اشرف کے 6 مشہور ترین کردار جو کوئی نہیں بھول سکتا

پاکستان کے منجھے ہوئے اداکار عمران اشرف نے ڈراموں میں ادا کیے گئے 6 بہترین کرداروں پر مشتمل ایک پینٹنگ سوشل میڈیا پر شیئر کر دی ہے جس نے مداحوں کی اُن کے ڈراموں سے جڑی یادیں تازہ کر دی ہیں۔

یکے بعد دیگرے پاکستان ڈرامہ انڈسٹری کو بلاک بسٹر ڈرامے دینے والے اداکار و رائٹر عمران اشرف راتوں رات مشہور ہونے والے اداکاروں جیسے نہیں ہیں، عمران اشرف کے پاس آج جو بھی مقام ہے انہوں نے بڑی محنت اور صبر سے بنایا ہے۔

عمران اشرف کا مقبول ڈائیلاگ حقیقت بن گیا

اپنے کیریئر کے آغاز میں طرح طرح کی حوصلہ شکن باتیں اور اداکاری میں نقص سننے کے بعد بھی عمران اشرف نے اپنے شوق اور یقین کا سفر جاری رکھا اور آج وہ ہر دل میں دھڑکتے ہیں۔

عمران اشرف ایک سادہ لوح اور عاجزی و انکساری سے پیش آنے والے اسٹار ہیں، یہی وجہ ہے کہ عمران اشرف سے اُن کے مداح بے پناہ محبت کرتے ہیں۔

عمران اشرف کی جانب سے اپنے سوشل میڈیا پر اپنے مشہور ترین 6 کرداروں پر مشتمل ایک پینٹنگ شیئر کی گئی ہے۔

عمران اشرف کی ملکہ کون ہیں؟

اس پینٹنگ کے کیپشن میں انہوں نے لکھا ہے کہ ’کچھ کامیاب اور کچھ ادھوری کوششیں،‘ اس پینٹنگ کو اُن کے مداحوں کی جانب سے خوب پسند کیا جا رہا ہے۔

اپنا تبصرہ بھیجیں